Acontece Italia do Norte: Le Dolomiti di Brenta (I)

Os Dolomitas repártense en varios grupos ó longo do Norte italiano. O macizo de Brenta exténdese uns 40 km de Norte-Sur, e preto de 12 km Este-Oeste. Todo o grupo de Brenta está incluído no Parque Natural de Adamello-Brenta.

Macizo de Brenta

  Foto: O Sherpa

Foto: Darredor

Os Dolomitas, declarados Patrimonio da Humanidade pola UNESCO no ano 2009, caracterízanse polos enormes macizos que emerxen illados a modo de torres con fendas e agullas, restos da erosión acumulados, os “ghiaioni”, e amplos vales, bosques e prados. 

Materiais 

Foto: Darredor

Os macizos principais son os de Sella (3.152 m), Brenta (3.173 m), Pale di San Martino (3.184 m), Civetta (3.218 m), Pelmo (3.168 m), Cristallo (3.216 m), Antelao (3.264 m), Sorapiss (3.205 m), Le Tofane (3.244 m) e Marmolada (3.342 m) onde está o pico máis alto. 

Para acceder a Dolomiti di Brenta o máis fácil é facelo desde Madonna di Campiglio. Se queremos experimentar a montaña, atopamos numerosos sendeiros marcados con bandas vermellas e brancas, que podemos percorrer entre o mes de xuño ata finais de setembro, xa que o resto do ano a zona está cuberta de neve, e dá para gozar do esquí. Existen tamén rutas para bicicleta.

Via Ferrata Giuseppe e Natale Vidi

Fotos: O Sherpa

  
Sen embargo, o máis característico dos Dolomitas son as Vías ferratas, que consisten en sendeiros que se equipaban para salvar pasos difíciles. A súa orixe remóntase á Primeira Guerra Mundial, nas que se equiparon con fins militares estas (literalmente) "rutas con ferros" para aprovisionar "niños de águia" e posicións avanzadas tanto por parte das tropas italianas como das austríacas. Estas vías ferratas están equipadas con cables, escadas, grapas, pontes colgantes, etc. Son percorridos polo xeral aéreos, non aptos para persoas con vértigo.

Flores alpinas

Edelweiss

Foto: Darredor

Amapola amarela alpina, Papaver rhaeticum

Foto: Darredor

Formigueiro 

Foto: Darredor